2018 жылғы 19 қазан Н.Дәулетова атындағы залда  «Қазақстандықтардың әл-ауқатының өсуі: табыс пен тұрмыс сапасын арттыру»  атты      Елбасы   Жолдауын  талқылау мақсатында     зиялы қауым өкілдері ҚР Ұлттық кітапханасының қызметкерлерімен  кездесу өткізді.
   Елбасы Нұрсұлтан Назарбаев биылғы жылғы Жолдауында: «Жастар мен отбасы институтын кешенді қолдау мемлекеттік саясаттың басымдығына айналуға тиіс.  Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек»,-деді. Сондықтан, келесі жылды Жастар жылы деп жариялауды ұсынып отыр. Сонымен қатар, «Әрбір қазақстандық жүргізіліп жатқан реформалардың мәнін, мәнісін, олардың Отанымызды өркендету жолындағы маңызын жете түсінуі тиіс. Оны біз жеткізе білуіміз керек. Реформаларды жүзеге асыру үшін қоғамның ортақ мақсатқа жұмылуы аса маңызды. «Рухани жаңғыру» бағдарламасы жаппай қолдауға ие болады. Қоғамдағы жаңғыру үрдістеріне тың серпін берді», - деді Елбасы.
   Кездесуде «Ирныхас» Осетин мәдени - ағарту орталығының жетекшісі, Қазақстан халқы Ассамблеясы төрағасының орынбасары Қ.В.Мамсуров,  «Ариана» ауған орталығының төрағасы,  Қазақстан халқы ассамблеясының мүшесі А.Васток сөз сөйлеп, ҚР Ұлттық кітапханасының жас мамандары Жолдауға байланысты өз ойларын білдірді.
Іс-шараны ҚР Ұлттық кітапханасы баспасөз қызметінің жетекшісі Аян Жолдасов жүргізді.