2018 жылғы 19 қазанда Е.Тұрсынов киноклубында «Жиенбет батыр – тарихи тұлға» атты Республикалық ғылыми-танымдық конференция өтті.
   Конференция «Рухани жаңғыру» бағдарламасы аясында тарихи тұлғаларды насихаттау, ұлықтау, ерлік жолын үлгі ете отырып, жас ұрпақты жасампаздық пен ұлтжандылық рухта тәрбиелеу бағытында ұйымдастырылды.
   Өз заманында сыртқы жаулармен шайқаста, ел бірлігі мен жер тұтастығы үшін күрескен Жиенбет батыр Байқошқарұлы көзсіз ерліктерімен көзге түсіп, Қаратаудың жас жолбарысы атанған. Абылайхан заманында болған барлық қиян кескі шайқастардың бел ортасында жүрген.
   Конференцияға Қазақстанның халық әртісі Асанәлі Әшімов; «Бейбітшілік әлемі» халықаралық қазақ шығармашылық бірлестігінің президенті Әбен Нұрманов; Қазақстан Жазушылар одағының мүшесі Аспандияр Өмірбеков; тарихшы Болатбек Нәсенов; ақын Болат Жетекбай және т.б. әдебиетші ғалымдар қатысып, баяндама оқыды. Сондай-ақ, шарада белгілі әнші Сәкен Майғазиев әсем әннен шашу шашты.
   Іс-шараны мемлекет қайраткері, ғалым Мырзатай Жолдасбеков жүргізді.