2018 жылғы 30 қазанда Қазақстан Республикасының Ұлттық кітапханасында Қазақстанның Қытайдағы тұңғыш Елшісі, Қазақстанның қытайтанушысы М.М. Әуезовпен «Китай в моей жизни» атты кездесу өтті.
Қазақстан Республикасы Ұлттық кітапханасының директоры Ж. Сейдуманов құттықтау сөз сөйледі. Іс-шараның модераторы танымал мәдениеттанушы, қоғам қайраткері Мұрат Әуезовтің өзі болды. Шара барысында Қытайдың экономикасы мен мәдениетін зерттеу туралы маңызды мәселелер талқыланып, Қытайтану зерттеу орталығының ашылу мәселесі көтерілді. Қонақтар сұрақтар қойып, М.Әуезовпен пікір алмасты. Іс-шарада барысында Әлем әдебиеті қызметінің жетекші кітапханашысы П. Т. Әкімбекова дайындаған М.Әуезовтың өмірі мен шығармашылығы туралы слайд-шоу көрсетілді. Сөз сөйлегендер: кинорежиссер Е.Рақышев, танымал қазақстандық қытайтанушы К.Хафи¬зова, «Орхон» баспа үйінің директоры Ж.Айдос, Абылай хан атындағы Қазақ халықаралық қатынастар және әлем тілдері университетінің деканы Д. Дәуен, Орталық Азия тарихи-дипломатиялық қоғамының төрағасы С. Нарысов, «Қазақстандық дипломаттар бірлестігі» ҚБ мүшелері, ҚР Ұлттық кітапханасының тұрақты оқырманы К.Толғанбаев және т.б. Іс-шараға әл-Фараби атындағы ҚазҰУ-ның студенттері, Абылай хан атындағы Қазақ халықаралық қатынастар және әлем тілдері университеті, Халықаралық қазақ-қытай тілі колледжі, магистранттар, докторанттар, кітапхана қызметкерлері және бұқаралық ақпарат құралдары қатысты.
|