2018 жылғы 23 қарашада ҚР Ұлттық кітапханасының Кітапханатану залында Қазақстанның халық жазушысы Ә.Нұршайықов атындағы шәкіртақы тағайындау үшін студент жастар арасында жыл сайын өтетін «Әлем және адам» шығармашылық байқауының қорытындысы бойынша кеш өтті.
Кітапханатану залында жазушының өмірі мен шығармашылығына арналған әдеби кеш және Қазақстан халық жазушысы Әзілхан Нұршайықовтың атындағы шәкіртақы тағайындау үшін студент жастар арасында жыл сайын өтетін «Әлем және адам» шығармашылық байқауының қорытындысы өткізілді. Іс-шараны ұйымдастырушылар ҚР Ұлттық кітапханасының «Қазақстан кітаптары» қызметі, Нұршайықовтар отбасы мен әл-Фараби атындағы ҚазҰУ шетелдіктердің тілдік және жалпы білім беру дайындығы кафедрасы. Байқаудың мақсаты - жазушының шығармаларын насихаттау, жастардың шығармашылық әлеуетін дамыту және кітап оқу мәдениетін қалыптастыру. Бұл кеште қазақ және орыс тілдерінде еркін тақырыпқа жазылған ең үздік шығармалар: көркем әңгімелер, өлеңдер, очерк пен эсселер ұсынылды. Кештің екінші бөлімінде жүлделі орындарды иеленген конкурс жеңімпаздарын Қазақстанның халық жазушысы Әзілхан Нұршайықовтың атындағы стипендиямен марапатталды. Іс-шара аясында ҚР Ұлттық кітапханасының қорынан жазушының шығармаларынан кітап көрмесі ұйымдастырылды. Барлық қатысушыларды «Қазақстан кітаптары» қызметінің кітапханашысы И.К. Тайбергенова кітап көрмесімен таныстырып, Ә.Нұршайықовтың мемориалдық кабинетіне экскурсия жүргізді.
|