2018 жылғы 19 қараша Н.Дәулетова атындағы залда Халықаралық Шәкен Айманов кинофестивалі аясында Шыңғыс Айтматовтың 90-жылдығына орай «Айтматов және Кино» тақырыбында дөңгелек үстел өтті.

   Іс шараға «Ш.Айтматов атындағы халықаралық Ыстықкөл форумы» вице-презиендті  А.Молдакматова, Түркі киносын дүниежүзіне таныту қауымдастығының төрағасы, Түркімен кинорежиссері, сценарист және оператор, КСРО Мемлекеттік сыйлығының лауреаты, Түркімен КСР-нің халық артісі Ходжакули Нарлиев, Түркі әлемі журналистері федерациясының президенті Мендерес Демир, қырғыз режиссер Э.Адбыжапаров, қырғыз актер, режиссер, сценарист Б.Шамшиев, режиссер Е.Турсынов, қазақ ақыны, драматург И.Сапарбай, ақын А.Нысаналин, Қазастандық дипломат В.Толмачев, философия және өнертану ғылымдарының докторы, Еуразияның ғаламдық байланыс жөніндегі агенттігінің бас директоры С.Слапке және басқалары қатысты.
   Кешті М.Әуезов атындағы Әдебиет және өнер институтының аналитика және сыртқы әдеби байланыстар бөлімінің меңгерушісі, филология ғылымдарының кандидаты Ананьева Светлана жүргізді.
   Кеш аясында Ш.Айтматов шығармаларының көрмесі және суретші Санжар Жұбановтың қолданбалы өнерінің көрмесі ұйымдастырылды.