2018 жылғы 20 қараша Халықаралық Шәкен Айманов кинофестивалі аясында «Түркі киносы – Даму Бағыты» атты түркі киносын әлемге таныту тақырыбына арналған дөңгелек үстел өтті.
Іс шараға Түркі киносын дүниежүзіне таныту қауымдастығының төрағасы, Түркімен кинорежиссері, сценарист және оператор, КСРО Мемлекеттік сыйлығының лауреаты, Түркімен КСР-нің халық әртісі Ходжакули Нарлиев, Түркі әлемі журналистері федерациясының президенті Мендерес Демир, «Хабар агенттігі» АҚ «Ел арна» каналының директоры Сейтмамыт Арман, «Хабар агенттігінің» бас редакторы Хасенова Күлімхан, Тәжікстан Кинематографистер одағының төрағасы Сафар Хакдодов, кеңес кинорежиссері және сценарист Али Хамраев, кеңес режиссері, актер, сценарист, продюсер Октай Мир-Касимов және халықаралық кинофестивальдердің өкілдері қатысты. Кеш аясында «Хабар агенттігі» АҚ «Ел арна» каналының презентациясы көрсетіліп, Ш.Айманов атындағы кинофестиваль мен халықаралық кинофестивальдердің өкілдері – «Үміт» ТМД елдеріндегі жастар кино форумы, «Халықаралық азия кинофестивалі», «Дидор» халықаралық кинофестивалі, «Халықаралық Қазан мұсылман кинофестивалі» және «Түркі елдерінің деректі фильмдер фестивалі» - арасында Келісім шартқа қол қойылды. Кеш модераторы продюсер, NETPAK мүшесі, әлемдегі түркі киносы қауымдастығы атқарушы комитетінің мүшесі Канат Төребай болды.
|