2018 жылғы 27 қарашада ҚР Ұлттық кітапханасының Н.Дәулетова атындағы залында Елбасы Н.Назарбаевтың "Ұлы даланың жеті қыры" атты мақаласының аясында мемлекет және қоғам қайраткері, экономика ғылымдарының кандидаты Жұмабек Ахметұлы Тәшеновке арналған кітап көрмесі ұйымдастырылды.

   Жұмабек Тәшенов 1915 жылы 20 наурызда Ақмола облысының Аршалы ауданындағы Танагүл ауылында дүниеге келген (қазіргі Береке және Қойгелді ауылдарының ардасында). Тәшенов республиканың саяси, экономикалық, мәдени дамуына басшылық жасаған жылдары қазақ мемлекетінің аумақ тұтастығының сақталуына көп еңбек сіңірді. Маңғыстауды Түркіменстанға қосу жөніндегі ұсыныстарға тойтарыс берді. Тың өлкесіне біріктірілген солтүстік облыстарды Ресейге, Оңтүстік Қазақстанның мақта егетін аудандарын Өзбекстанға беруге қарсы шықты. Қазақстан жерінде ядролық жарылыстар жасауға қарсылық білдірді. Ел ағасы болып танылып, халық құрметіне бөленді. Жанқиярлық еңбегі үшін Ленин орденімен, Еңбек Қызыл Ту және «Құрмет Белгісі» ордендерімен марапатталған.
   Көрмені Қазақ ұлттық аграрлық университетінің «Ветеринария», «Технология және биоресурстар» факультеттерінің 3-4-курс студенттері тамашалады.