2018 жылғы   18 – 24 қараша аралығында  Қазақстан Республикасы Ұлттық кітапханасының мамандар тобы еліміздің өңірлік кітапханаларына  «Кітапхана – қоғамның көпфункционалды, көп деңгейлі әлеуметтік мәдени институты» атты Бүкілқазақстандық кітапханашылар съезі резолюциясының шешімін орындау, сондай-ақ ғылыми-әдістемелік  көмек көрсету мақсатында Түркістан облысына және Шымкент қаласына іссапармен барып қайтты.

   Делегация құрамы:  Бекпулатова А.К., сирек кітаптар мен қолжазбалар қызметінің топ жетекшісі (іссапар тобының жетекшісі); Мамбаева А.Б., ғылыми-әдістемелік қызметінің топ жетекшісі; Сыдықжанова Ф.У.,  ақпараттық ресурстар қызметінің топ жетекшісі; Сарсенова Н. Е., ақпараттық ресурстар қызметінің  кітапханашысы; Сарсенбаева Г.Н., сирек кітаптар мен қолжазбалар қызметінің кітапханашысы.
   Мамандар «Отырар» атындағы Оңтүстік Қазақстан облыстық ғылыми әмбебап кітапханасына, А.С.Пушкин атындағы Оңтүстік Қазақстан облыстық ғылыми әмбебап кітапханасына, Оңтүстік Қазақстан облыстық жасөспірімдер кітапханасына,   Ы.Алтынсарин атындағы Оңтүстік Қазақстан облыстық балалар кітапханасына (Шымкент қ.); Түркістан қалалық кітапханасына (Түркістан қ.) барды.
   Іссапар барысында Ұлттық  кітапхана  қызметкерлері  облыстық, аудандық, ауылдық кітапханалардың қызметімен, қазіргі тыныс-тіршілігімен танысып,   кітапхана ісінің басым бағыттары бойынша әдістемелік кеңестер берді және іс-тәжірибелерімен бөлісіп, пікір алмасуға, көптеген  толғандырған көкейкесті сұрақтарды талқылауға мүмкіндік алды.
   Осындай шаралардың республикадағы кітапханашы мамандардың кәсіби біліктілігін көтеруге және жетілдіруге ықпал ететіні сөзсіз.