2018 жылдың 27 қарашасында Талдықорған қаласындағы С.Сейфуллин атындағы Алматы облыстық әмбебап кітапханасының қызметкерлерін  аттестаттауға комиссия төрайымы және мүшесі ретінде ҚР Ұлттық кітапханасы директорының ғылым жөніндегі орынбасары Юсупова А.Х., ғылыми-әдістемелік қызмет жетекшісі Маханбетова Г.А., Алматы облысының мәдениет, архивтер және құжаттама басқармасы басшысының м.а. Жақыпбекова Ә.Ә., Алматы облысының мәдениет, архивтер және құжаттама басқармасының бас маманы Дукенов Б.Ә. қатысты.

  «Мемлекеттік мәдениет ұйымдарының азаматтық қызметшілерін аттестатаудан өткізудің қағидалары мен шарттарын бекіту туралы» Қазақстан Республикасы Мәдениет және спорт министрінің 2018 жылғы 15 тамыздағы № 210 бұйрығына сәйкес кітапхана қызметкерлерін аттестаттау өткізілді.
   Аттестаттау барысында кәсіби деңгейлік, білімі мен орындаушылық, міндеттер жайында болашақта өзін-өзі жетілдіруге қатысты сұрақтар қойылып, қызметкердің іскерлік қасиеттеріне және оның кәсіби қызметінің нәтижесіне баға берілді.
   Аттестаттау 2 кезеңнен тұрды: тест сұрақтары мен функционалдық міндеттеріне қатысты әңгімелесу сұрақтарына жауап берді.
   С.Сейфуллин атындағы Алматы облыстық әмбебап кітапханасының қызметкерлері аттестаттауға үлкен жауапкершілікпен дайындалған және жоғарғы деңгейді өтті.