2018 жылғы 4 желтоқсанда ҚР Ұлттық кітапханасының Е.Тұрсынов киноклубында Алматы қаласы әкімшілігінің қолдауымен және “Айтыскер ақындар мен жыршы-термешілер одағының” ұйымдастыруымен Қазақстанның еңбек сіңірген қайраткері Мұхамеджан Тазабектің “Атамұра” баспасынан басылып шыққан «Айтыстар» кітабының тұсаукесері өтті.

   Кітаптың тұсауын Алматы қаласындағы Ұлттық кітапxанада “Атамұра” баспасының президенті Рахым Құлмұхаммед пен Айтыс ақындары және жыршы-термешілер одағының төрағасы, М. Мақатаев атындағы сыйлықтың екі мәрте иегері, Қазақстанның Еңбек сіңірген қайраткері Жүрсін Ерман кесті.
   Жиынға Алматы қаласы әкімінің орынбасары Арман Қырықбаев мырза арнайы келіп, қала әкімі Бауыржан Байбектің құттықтау xатын оқып, сыйлығын табыстады.  Сонымен қатар, іс-шараға Жанат Ахмади, Рафаэль Ниязбек, Қали Сәрсенбай, Асылы Осман, Айгүл Ісмақова, Қымбат Әбілдақызы, Нұртілеу Иманғалиұлы, Маралтай Райымбеков, Темірғали Көпбаев сынды бірқатар ақын-жазушылар мен қоғам қайраткерлері және ағамыздың артынан ерген Балғынбек Имаш, Жандарбек Бұлғақов, Ринат Зайытов, Рүстем Қайыртай, Қанат Мырзаxан сынды ақын інілері қатысты.