2018 жылғы 15 қарашада Кітапханатану залында Алматы қаласы ішкі саясат басқармасының қолдауымен «Рухани жаңғыру» бағдарламасының аясында «Адырна» ұлттық-этнографиялық бірлестігінің ұйымдастыруымен «Отан – оттан да ыстық» жобасы негізінде «Әр қазақ менің жалғызым» атты дөңгелек үстел өтті.
Еліміздің әрбір азаматы «Отан» деген ұғымның оттан да ыстық қасиетіне бас иіп, оған адал қызмет етуге борышты. Осы жолда қайтпас қайсарлық пен айнымас шыдамдылық таныта білетін, ары мен намысын жоғары қоятын ұрпақ тәрбиелеу абыройлы іс болмақ. «Отан – оттан да ыстық» жобасының негізгі мақсаты да осы. Іс-шараны «Адырна» ұлттық-этнографиялық бірлестігінің директоры Арман Әубәкір жүргізді. Дөңгелек үстелге қоғамдық ұйымдар өкілдері, журналисттер мен студенттер қатысты.
|