2018 жылғы 11 желтоқсанда Н.Дәулетова атындағы залда көрнекті қоғам және мемлекет қайраткері, Алаш қозғалысына қатысушы Жанайдар Сәдуақасовтың 120 жылдығына орай «Ер есімі ел есінде» атты еске алу кеші өтті.
Кеш аясында ҚР Ұлттық кітапханасының қорынан Ж. Сәдуақасовтың өмірі мен шығармашылығынан кітап көрмесі ұйымдастырылды. Іс-шараны ҚР Ұлттық кітапханасы директорының ғылым жөніндегі орынбасары А.Х.Юсупова ашты. Шараны жазушы, публицист, ғалым Бейбіт Қойшыбаев жүргізді. Іс-шарада Ж.Сәдуақасовтың кенже інісі Құрман Сәдуақасұлы, Ж.Сәдуақасовтың немересі Перизат Сәдуақас және ҚР Ұлттық кітапханасының «Қазақстан кітаптары» қызметінің топ жетекшісі Г.Бақтыгереева сөз сөйлеп, кітапхана қызметкері Таңжарық Орманбеков терме орындады. Іс-шараға Ж.Сәдуақасовтың туыстары, оқырмандар, кітапхана қызметкерлері және БАҚ өкілдері қатысты.
|