2018 жылғы 14 желтоқсанда  Н.Дәулетова атындағы залда ПЕН-клубтың кезекті отырысы өтті.
   ПЕН-клуб 1921 жылғы 5 қарашада ағылшын жазушысы Кэтрин Эми Доусон-Скотт және клубтың алғашқы басшысы болған, жазушы Джон Голсуорси бастамаларымен Лондонда құрылды. 
   2010 жылы клубқа 101 елдің 144 ұлттық орталықтары кірді. Ұлттық орталықтар тіл ерекшеліктері негізінде құрылды. Ұйым құжаттары бойынша ПЕН-клуб мүшелігі ұлты, тілі, нәсілі мен табынушылығына қарамастан, барлық кәсіби жазушыларға ашық. Соңғы жылдары ПЕН-клубқа ақын-жазушылар мен журналисттерді ғана емес, аудармашы, редактор мен баспагерлерді – қаламмен кәсіби не басқа да сапада жұмыс істейтін адамдарды да қабылдауда.
   Жыл сайын ПЕН-клуб кезекпен Еуропа, Азия, Африка және АҚШ-та – ұлттық ПЕН-орталықтары бар елдерде халықаралық отырыстар өткізеді.
   Іс-шараны ПЕН-клуб президенті Бигелді Ғабдуллин ашты.
   Cөз сөйлегендер: Әлібек Асқар, Смағұл Елубай, Сұлтанәлі Балғабаев, Жүсіпбек Қорғасбек, Аслан Жақсылықов, Адольф Аршицевский және т.б.
   Іс-шараға Дулат Исабеков, Смағұл Елубай,Раушан Бүркітбаева, Қажығали Мұханбетқалиев, Қуаныш Жиенбай, Жасарал Қуанышалин, Владислав Владимиров, Дидар Амантай және т.б қоғам қайраткерлері қатысты.