2018 жылғы 25 желтоқсанда Е.Тұрсынов киноклубында Алматы қалалық «Абадан» отаншыл жастар ұйымының ұйымдастыруымен «Алашорда-101жыл» мерейтойы сайыс форматында өтті.

   Іс-шараның мақсаты – ЖОО студенттерін білімге ұмтылдыру, «Алаш» арыстарының шығармашылығын кеңінен насихаттау.  Мерейтой 2017 жылдан бері дәстүрлі түрде өтіп келеді.
   І. «Алаш әлемі» сайысы (3 бөлімнен тұрды)
- «Соғайын сөзімнен бір алтын сарай» актерлік шеберлік көрсету;
- 101 сұрақ-жауап;
- «Іші алтын, сырты күміс сөз қалдырған» эссе байқауы;
   ІІ. «Абадандай айбат қылса...» көрерменмен байланыс
   ІІІ. «Арыстарға ақындардан арнау» айтыс
   Қазылар алқасының құрамында филология ғылымдарының докторы  Айгүл Ісімақова, Аманқос Мектептегі, Светлана Смағұлова, Райхан Имаханбет, Айсұлу Ойсылбай  болды.
   Іс-шараға Алматы қаласының ЖОО студенттері қатысты.
   Байқау қорытындысы бойынша «Соғайын сөзімнен бір алтын сарай» актерлік шеберлік көрсету бөлімінің бас жүлдесін  Гүлназ Нүсіпхан, «101 сұрақ-жауап» бөлімі мен «Іші алтын, сырты күміс сөз қалдырған» эссе байқауының бас жүлдесін Ізбасар Салимов иеленді.
   Іс-шара соңында жүлдегерлер арнайы сыйлықтармен және мақтау қағаздарымен марапатталды.