2019 жылғы 9 қаңтарда Н.Дәулетова атындағы залда ҚР Мәдениет және спорт министрлігінің баспасөз хатшысы  Айдар Қырықбаев Алматы қаласы бойынша ҚР Мәдениет және спорт министрлігіне қарасты мекемелер арасында баспасөз конференциясын өткізді.
   Баспасөз конференциясында Айдар Қырықбаев 2018 жылдың қорытынды есеп көрсеткішіне және Елбасы Н.Назарбаевтың «Ұлы даланың жеті қыры» мақаласына тоқталды. Сондай-ақ, Министрліктің тапсырмасы бойынша әр мекеменің штатында баспасөз-хатшысының болуы керек екенін және ақпан айында «Үздік баспасөз хатшысы» байқауы жарияланатынын ескертті. Сонымен қатар, үстіміздегі жылғы қаңтар айының соңына дейін «Медиа-план», яғни бір жылдық жоспар әзірлеп, министрлікке өткізуді тапсырды. Кездесу соңында Айдар Қырықбаев әр мекеменің бір жылда атқарған жұмыстарына баға беріп, алдағы жылға сәттіліктер тіледі.