2019 жылғы 17 қаңтарда Е.Тұрсынов киноклубында «Ұлы Жібек жолы - өткеннің іздері мен болашақтың көкжиегі» атты деректі фильмнің және Халықаралық ғылыми-тәжірибелік конференциядан осы аттас мақалалар жинағының тұсаукесері өтті. Жоба Қазақстан Республикасының Тұңғыш Президенті - Елбасы қорының қаржылай қолдауымен жүзеге асырылды. «Қорқыт» Қорының мақсаты - әлемдегі қазақ мәдениетін насихаттау, халықтар арасындағы мәдени диалогқа және өзара түсіністікке жәрдемдесетін түрлі мәдени бастамаларды жүзеге асыру. Елбасының «Ұлы даланың жеті қыры» мақаласындағы Қазақстанның өркениет тарихының сабақтастығын қадағалаудың маңыздылығы туралы негізгі ойлары «Ұлы Жібек жолы» деректі фильмінде көрініс тапқан. Деректі фильм Жібек жолындағы Ұлы даланың орнын және көшпенділер өркениетінің әлемдік тарихты дамытудағы рөлін көрсетуге тырысады. Жобаға археологтар, тарихшылар, музыканттар, суретшілер, қолөнершілер мен әртүрлі елдердің музыканттары қатысты. «Ұлы Жібек жолы - өткеннің іздері мен болашақтың көкжиегі» фильміндегі ерекше орынды музыка алады.
Ол барлық іс-әрекеттер бойы көзге көрінбестен және ажырамас қатысушы бола отырып үлес қосады.
|