ҚР Ұлттық кітапханасына «Катар мемлекетінің мәдениет күндері» бағдарламасының аясында 85 дана кітап және CD ROM сыйға тартылды.Бұлар ҚР Ұлттық кітапханасының қорынан лайықты орын алатын саясат, мәдениет, білім, әдебиет, өнер, әлеуметтану жөніндегі араб тіліндегі кітаптар.Солардың қатарында «Орта ғасырлар заманындағы тарихшылардың еңбектері», «Қатар кітапханасындағы қолжазбалардың көрсеткіші», «Ибн Атил кітабына берілген түсініктемелер» бар.
«Катар мемдекетінің мәдениет күндері ү.ж. 8-14 маусымында Алматы қаласында өтті, оны Катар мемлекетінің Мәдениет, Өнер және Ұлттық мұра жөніндегі Ұлттық кеңесі ұйымдастырды. Осы іс-шараның негізгі мақсаты- Алматының тұрғындарын Катар халқының тарихымен, мәдениетімен, салт-дәстүрлерімен таныстыру.
Сондай-ақ екі елдің арасындағы достық пен ынтымақтастықты нығайту болып табылады.
