2008 жылдың 24 маусымында Қазақстан Республикасы Ұлттық кітапханасы Қазақстан Жазушылар Одағымен бірлесе отырып, «Русские Казахстана» («Қазақстандағы орыстар») атты кітаптың тұсаукесерін өткізді.

     Кітапты құрастырған - Қазақстан Жазушылар Одағы орыс әдебиеті кеңесінің төрайымы Любовь Шашкова.

     Жобаның авторы – «Светоч» қоғамының және Ресейлік отандастардың бүкілдүниежүзілік үйлестіру кеңесінің төрағасы Алексей Лобанов.

     Тұсаукесер аясында ҚР Ұлттық кітапханасының қорынан «Пушкинская дорога в Казахстане» («Қазақстандағы Пушкин жолы») атты көркем безендірілген кітап көрмесі ұйымдастырылды.

      Кітаптың тұсаукесеріне Ресей Федерациясының Қазақстан Республикасындағы елшісі, «Святой Владимир» қайырымдылық қорының өкілдері, бұқаралық ақпарат құралдарының өкілдері, кітапхана қызметкерлері, оқырмандар, Алматы қаласының тұрғындары мен қонақтары қатысты.