Астана қаласының 10-жылдық мерейтойына арнап, «Астана – арман қала» атты мультимедиялық басылымын Ұлттық библиография орталығы  дайындап шығарды. Иллюстративті-библиографиялық басылым Астана қаласының он жыл ішінде жеткен  табыстары мен жетістіктеріне арналған. Ол 11 негізгі тараудан (368 бет) тұрады, оның  ішінде астананы Алматыдан Ақмолаға көшіру туралы негізгі ресми құжаттар, Астана қаласының әлеуметтік-экономикалық дамуы туралы құжаттар, Астана қаласының сәулет ескерткіштері, мәдени орындары (иллюстрациялар),  тарихы туралы материалдар, Астана қаласы туралы өлең-жырлар т.б. берілген.