2008 жылдың 9  шілдесінде Қазақстан Республикасының Ұлттық кітапханасы Ш.Ш.Уәлиханов атындағы Тарих және этнология институтымен бірлесе отырып, «Қазақстан тарихы кәсіби мамандар көзімен» атты 2006 - 2008 жылдары жарық көрген кітаптардың тұсаукесерін өткізді. Аталмыш шара барысында Тарих және этнология институтының қызметкерлері Қазақстанда отандық тарихи мектептің қалыптасуының теориялық мәселелерін талдауға, Қазақстан тарихының әдістемелік негізін жасақтауға, тарихнама мәселелерін қарастыруға алғаш рет талпыныс жасады. Институт ғалымдары бүгінге дейін пайдаланылмаған монғол, қытай, иран мұрағаттарының материалдарын, Ватикан құжаттарында, Франция, Англия корольдерінің мұрағаттарында карталар мен  құпия есептер түрінде сақталған еуропалық саяхатшылардың жазбаларындағы мәліметтерді тұңғыш рет пайдалана отырып, қазақ мемлекеттілігінің қалыптасу проблемасын жаңа көзқарас тұрғысынан қарастыруда.

    Кітаптардың тұсаукесері фотоиллюстрациялармен, плакаттармен, слайдтық көрсетілімдермен безендірілді. Тұсаукесер рәсімінде оқырман назарына ұсынылған кітаптар салтанатты түрде Қазақстан Республикасы Ұлттық кітапханасының қорына сыйға тартылды.