16 қыркүйекте ҚР Ұлттық кітапханасының қорындағы XIX – XX ғғ. Грек кітаптары топтамасы көрмесінің ашылу рәсімі және баспасөз конференциясы болып өтті.

 

Көрме кітапхана оқырмандары мен келушілер үшін үстіміздегі жылдың 26 қыркүйегіне дейін жалғаса береді.

 

Баспасөз конференциясына ҚР Ұлттық кітапханасының Бас директоры О.И.Исахов, Қазақстан Республикасындағы Грек Республикасының Төтенше және Өкілетті Елшісі Христос Контовунисиус мырза, Қазақстандағы Грек қауымдастықтары ассоциациясының президенті П.И.Феодориди, Афина Университетінің докторанты Е.Андрейченко қатысты.

 

Баспасөз конференциясында ауыр атлетикадан 2008 жылғы Олимпиада чемпионы қызылордалық Илья Ильинге Грек үкіметі атынан салтанатты түрде құттықтау хат табыс етілді.