2008 жылдың 29 қыркүйегінде Қазақстан Республикасының Ұлттық кітапханасы мен Иран Ислам Республикасы Елшілігінің Қазақстандағы мәдени өкілділігі қасиетті Рамазан айына байланысты Ирандық каллиграфия және графика шеберлерінің көрмесін өткізді.
Көрмеге келушілердің назарына халықаралық «Бісміллә» фестивалінің графикалық туындылары ұсынылды, бұл топтама Иранның хас шеберлерінің «Бісміллә» бата аяты мен «Құран аяттарын жазу» тақырыбына арналған графика және дәстүрлі өнер жөніндегі еңбектерін қамтиды.
Қазақстанда көрсетілетін еңбектердің экспозициясы «Бісміллә» халықаралық фестивалінің графикалық туындыларының тек шағын бөлігі ғана болып табылады.
Көрменің ашылу рәсіміне Қазақстанның өнер қайраткерлері, дипломатиялық корпустың, БАҚ-тың өкілдері және қала жұртшылығы қатысты.
Көрме 2008 жылдың 29 қыркүйегінен 9 қазанына дейін көрсетіледі. |