Қытай Халық Республикасының Елшілігі ҚР Ұлттық кітапханасымен бірге  Қытай иероглифтерінің тарихы бойынша көпшілік қауымға арналған көрме ұйымдастырады.

      Бұл ­– мазмұны бойынша да, нысаны мен тақырыбы бойынша да бірегей көрме. Өйткені Қытайдың жазу әліппесі әлемдегі ең ежелгілердің бірі болып  табылады. Қытай жазу әліппесін б.д.д. VI мыңжылдыққа жатқызады. Иероглифика - Қытай мәдениетінің ең арғы  түп-төркіні және Қытайдағы барлық ұлттар мен ұлыстарды біріктіретін таратушы.

   Тарихи зерттеулер бойынша, ең көне жазу түйіннен түйілген  жазулар болған. Жіптегі әркелкі түйіндер оқиғалар мен тілектерді білдірген. Хуанди басқарған кезеңде жылнамашы Цан Цзе тұңғыш  рет иероглифтерді бір жүйеге келтірді.

   Ауызекі сөзді жеткізу үшін сондай-ақ пиктограммалар, идеограммалар, фонограммалар түріндегі  суреттер де пайдаланылды, көне иероглифтердің осы құрамдас бөліктері тек тасбақаның қабыршағына, жануарлардың сүйектеріне ғана емес, сонымен бірге тас және қола заттарға да түсірілген. Әрбір князьдықтың бір-бірінен барынша ерекшеленетін өз иероглификасы болған. Б.д.д. 221 жылы Қытайды біріктіруде аса көрнекті  рөл атқарған император Цинь Шихуан әмірлік еткен кезде жазу әліппесін біріздендіру жүргізілді. Иероглифика өзінің көп ғасырлық тарихы ішінде бірқатар елеулі өзгерістерге ұшырады, әр дәуірде                әртүрлі жаңа стильдер пайда болды, соның арқасында ең қолайлы әрі қатар қытай ділінің рухына сай иероглифтер жазудың эстетикалық стилі қалыптасты.

    Көрмеге жоғарыда аталған заттардан басқа ең көне замандардан бүгінгі күнге дейінгі иероглифтер жазуда пайдаланылған материалдар мен құралдар қойылған. Көрменің үлкен бөлігі жазу өнеріне, қытай каллиграфиясының (көркем жазуының) ерекшелігіне арналған. Экспонаттар 60 планшетке толық жазылған иероглифтер тарихын баяндайды. Көрме  сондай-ақ қағаз ойлап шығару, кітап басу, Қытайдың бірігуіндегі иероглифтердің ролі, иероглифика және ақпараттандыру иероглификаның жоғары технологияларға интеграциясы секілді тақырыптарды қамтиды.

   2008 жылғы 24-27 қараша аралығында келем деушілерге көрме есігі ашық.