2008 жылдың 10 желтоқсанында   Қазақстан Республикасының Ұлттық кітапханасы және Қазақстан Сәулетшілерінің Одағы  екі ғылыми еңбектің тұсаукесер рәсімін өткізді.

     – «Алматы: урбанизацияның ежелгі, ортағасырлық, отарлық және кеңестік кезеңдері» кітабы (авторы Б.Тұяқбаева, рецензенттері ҚР ҰҒА академигі С. Қасқабасов, Шығыс елдерінің сәулет өнері халықаралық академиясының академигі Б.Кұсманғалиев);

     – «Яссы – Түркістанның рухани орталығы» атты ғылыми деректі фильм (сценарий авторлары: Б.Тұяқбаева, А.Проскурин, режиссері А.Сүлеева).

     Аталған еңбектер Қазақстанның жалпыұлттық маңызы бар екі діни-әкімшілік орталығына – тарихы Тянь-Шань тауының баурайында арий этномәдени аймағының көне киелі орталығының пайда болған кезеңінен бастау алатын Алматы қаласының және исламның сопылық ағымына бейімделген Орталық Азия көшпелі тайпаларының діни көзқарастарына сәйкес қазақ хандығының бірінші астанасы болған Түркістан қаласының қалыптасу тарихына арналған.