2008 жылдың 11 желтоқсанында Қазақстан Республикасының Ұлттық кітапханасы «Нұр-Отан» халықтық демократиялық партиясымен және Мәдени саясат және өнертану институтымен бірлесіп, Тәуелсіздік күні қарсаңында «Алаш. Желтоқсан. Тәуелсіздік: Ұрпаққа тағылым» тақырыбында дөңгелек үстел өткізді.

     Іс-шара барысында Қазақстан Республикасы Ұлттық кітапханасының қорынан «Алаш» қозғалысы зиялыларының ағартушылық қызметіне арналған «Ер есімі – ел есінде» атты көрме ұйымдастырылды. Сонымен қатар Қазақстан Республикасы Орталық Мемлекеттік мұрағаты қорындағы Алаш көсемдерінің құжаттары мен  фотосуреттері қойылды. Көрме «Алаш» қозғалысы арқылы мемлекеттік тәуелсіздіқ идеясын ту етіп көтерген тарихи тұлғалардың еңбегіне, ұлттық саяси бағдарламасына, ағартушылық қызметіне, басқа да қайраткерлік істеріне арналған.

      Аталған мәдени шараға Қазақстанның қоғам және мәдениет қайраткерлері, «Алаш» партиясын ұйымдастырушы қайраткерлердің ұрпақтары, ғалымдар, жастар қатысты.