2009 жылдың 23-26 қаңтары аралығында Қазақстан Республикасының Президенті Нұрсұлтан Әбішұлы Назарбаев Үндістанның Республика Күні мерекесінің Бас қонағы ретінде Үндістанға ресми іссапармен барады. Осы айтулы оқиға қарсаңында Қазақстан Республикасының Ұлттық кітапханасы «Қазақстан - Үндістан ынтымақтастығының даму болашағы» атты көрме ұйымдастырып отыр.
Көрме ҚР Ұлттық кітапханасының Мәдени бағдарламалар орталығында 2009 жылдың 20-қаңтарында ашылды.
Көрмеге әр жылдары сан салалы тақырыпта жарық көрген екі елдің тарихи байланыстарын көрсететін қазақ, хинди, орыс, ағылшын тілдеріндегі әдебиеттер қойылған. Сондай-ақ Азиядағы қауіпсіздік және саяси тұрақтылық мәселелеріне Қазақстан мен Үндістанның өзара үлестері, саяси, сауда экономикалық, ғылыми, мәдени және дипломатиялық қатынастарының қалыптасуына қатысты әдебиеттер ұсынылған.
|