2009 жылдың қаңтар айында Қазақстан Республикасының Ұлттық кітапханасы өз оқырмандарына аса көрнекті жырау − Мұрын Сеңгірбекұлының (1859-1954) туғанына 150 жыл толуына орай ашылған көрмені ұсынады. Көрмеге жыраудың өмірі мен шығармашылық қызметі туралы мәліметтер қамтылған. Энциклопедиялар, кітаптар мен газет мақалалары қойылды. Қазақ халқының қымбат қазыналарының бірі − «Қырымның қырық батыры» жырларын біздің дәуірімізге Мұрын жырау жеткізді. «Қырымның қырық батыры» құрамындағы жырлар әр дәуірде туған. Телегей теңіздей мол қазынаны қаймағын бұзбай, біздің дәуірімізге жеткізгені жыраудың баға жетпес ерекше еңбегі болып табылады.
|