2009 жылдың 9 ақпанында Қазақстан Республикасының Ұлттық кітапханасында Қайнар университетінің ректоры Е.С.Омаровтың 2008 жылы Бейжін қаласында жарық көрген «Қазақ өркениетінің тарихы» кітабының тұсаукесер рәсімі өтті.

   Тұсаукесер рәсімі барысында Қайнар университеті Қазақстан Республикасының Ұлттық кітапханасына түркілер мен қазақтардың өткен тарихы туралы XIX ғасырда жазылған сирек кездесетін құнды кітапты  және университет баспасынан жарық көрген 100 дана жаңа кітапты салтанатты түрде табыс етті.

    Сонымен қатар осы іс-шара аясында Қайнар университеті ұйымдастырған қазақ өркениетінің қалыптасуы мен дамуына, өркендеуіне арналған байқаудың  жеңімпаздары анықталып, ақшалай сыйлықтар табыс етілді.