20.04.2009ж. ҚР Ұлттық кітапханасының Бас директоры О.И.Исахов Экономикалық Ынтымақтастық Ұйымына (ЭЫҰ) мүше елдердің Ұлттық кітапхана директорлары Кеңесінің ІІ-ші Конференциясының жұмысына қатысты (Әзірбайжан, Баку қаласы, 2009 жылдың 19-22 сәуірі).

 

2007 жылы Тегеранда болып өткен І-ші Конференцияда ұйымдастыру мәселелері талқыланған еді. ІІ-ші Конференцияның негізгі мақсаты – ақпараттық қоғам талаптарына сай Ұлттық кітапханалардың өзара байланысын ұйымдастыру және дамыту. ІІ-ші конференцияның жұмысына ЭЫҰ-ның Мәдениет Институтының және Түркия, Иран, Пәкістан, Түркіменстан, Тәжікстан, Өзбекстан, Қазақстан, Қырғызстанның Ұлттық кітапханаларының директорлары мен директорлардың орынбасарлары қатысты.

 

Конференция барысында ЭЫҰ-на мүше елдердің Ұлттық кітапханалар директорлары Кеңесінің Ережесі талқыланды және қол қойылды. Сондай-ақ, директорлар Кеңесінің жетекші органдары сайланды, бірегей порталдың алғашқы материалдарының көрмесі өтті.