Сәуірдің 24 жұлдызында ҚР ҰК Кітапханаларды дамыту орталығының қызметкерлері К.Т.Қасымжанова және Г.Бұлғанбай «Кітапханадағы патриоттық тәрбиенің негізгі бағыттары» атты семинарға қатысты. Семинар С.Сейфуллин атындағы Алматы облыстық әмбебап ғылыми кітапханасының ұйымдастыруымен Еңбекшіқазақ ауданындағы (Есік қ.) Орталық кітапхананың негізінде өткізілді. Семинарға облыстық, аудандық орталық кітапханалар басшылары мен Еңбекшіқазақ ауданының кітапханашылары қатысты. Г.Бұлғанбай «Ұлттық құндылығымыз – патриоттық тәрбие берудегі кітапхананың үлесі» атты кеңес негізінде баяндама жасады. Кеңес слайд шоуды, жыл сайын өткізілетін патриоттық тәрбиеге байланысты оқу бағдарламасын, сонымен бірге семинар тақырыбына сәйкес виртуальдық көрме-викторинаны қамтыған.