Сәуірдің 28 жұлдызында Ұлттық кітапхананың базасында Республикалық білім беру жүйесіндегі басқарушы және ғылыми-педагогикалық кадрлардың біліктілігін жетілдіру институты ұйымдастырған «Білім берудің мазмұнын жаңарту жағдайындағы кітапхана мекемелерінің қызметі» атты республикалық семинар жұмысының екінші күні өтті. Семинарға Облыстық біліктілікті жетілдіру институты кітапханаларының басшылары, мектеп, колледж кітапханалары қатысты. Семинарда ҚР ҰК Кітапханаларды дамыту орталығының қызметкерлері К.Т.Қасымжанова және С.Т.Тұяқова «Қазақстан Республикасындағы кітапхана ісінің жағдайы» және «Қазақстандық кітапханалардың инновациялық жобалары» тақырыбында баяндамалар жасады. Кітапханатану залында семинарға қатысушылар ҚР ҰК шығаратын басылымдармен танысты. Ұлттық кітапхана бойынша семинар қатысушыларына экскурсия жасалды.