2009 жылдың 26 мамырында ҚР Ұлттық кітапханасының Мәдени бағдарламалар орталығында Жмеренецкая Нина Леонидовнаның «Қазақпарат» баспасынан жарық көрген «Красный чемоданчик. Монолог актрисы о жизни, творчестве и любви» атты кітабының тұсаукесері өтті.

 

  Кітап авторы Нина Леонидовна Жмеренецкая М.Ю.Лермонтов атындағы Мемлекеттік Академиялық орыс драма театрының белгілі әрі танымал актрисаларының бірі, Қазақстан Республикасының еңбек сіңірген әртісі. Кітапта талантты актрисаның қызықты да мағналы өмір жолын әсерлі желісте әңгімелейді.  

    Нина Леонидовнаның тұған жері Молдавия. Ол Кишинев, Ленинград (Санкт-Петербург), Фрунзе (Бішкек) қалалары театрларында жұмыс істеген. Қазақстанға 1974 жылы келіп Алматыда тұрақтап қалды.

    Кітап актрисаның Молдавиядағы ата-әжесімен өткізген балалық шағын баяндауымен басталады.

   14 жасында өзінің алғашқы актрисалық куәлігін алған екен және Чеховтың «Чайкасындағы» Нина Заречнойдан бастап Ж.Ануйдің   «Жаворонокындағы» Жанна Даркқа дейінгі көптеген рөлдері туралы әсерлі баяндайды. Н.Л. Жмеренецкая театрда, кинода, теледидарда 100-ден астам тамаша рөлдерді сомдаған. Сондай-ақ Н.Л.Жмеренецкаяның ағылшын-қазақстандық жобасымен түсірілген 465 сериялы «Перекресток» фильмі арқылы көрермен жүрегінде жол тапқанын атап өткен жөн.

   Оқырман кітаптан «Сторож», «Без названия» әңгімелерін және «Он был в черном фраке и белых тапочках» атты прозалық шығармаларын оқи алады.