03.04.2009 ж. ҚР ҰК-ның Бас директоры О.И.Исахов Грекияның Ұлттық Тәуелсіздік күніне ( 25.03.2009ж.) орай Қазақстан Республикасындағы Грек Республикасының Елшісі Е.П.Евангелос Денаксастан жолдау алды.

Жолдауда грек текті қазақстандықтарға ыстық сәлем жолданып, қазақстандық достарға ізгі тілектер айтылған. Жолдау «Грекияның сыртқы саясаты», «Грекияның ЕҚЫҰ-на төрағалығы», «Екі жақты қарым-қатынастар – тарихи перспективалар», «Саяси қатынастар», «Экономикалық қатынастар» сияқты бөлімдерден тұрады.

«Мәдени қатынастар» бөлімінде мына іс-шара ерекше аталып көрсетілген: «Өткен жылдың қыркүйек айында Алматы қаласында Қазақстан Республикасының Ұлттық кітапханасында Бас директор Орынбасар Исахов мырзаның қызығушылық білдіріп, бастама көтеруі нәтижесінде Грек Елшілігімен бірлесіп ХІХ-ХХ ғасырларда жарық көрген бес жүзге жуық грек кітаптарының ерекше тұсаукесер-көрмесі ұйымдастырылды. Санкт-Петербург, Мәскеу, Париж, Берлин және Лейпцигте жарық көрген бұл кітаптар грек тілінде, сонымен қатар орыс, француз және неміс тілдерінде жазылып, Грекияның өркениетіне, тіліне, әдебиеті мен философиясына арналған; тарих және әлеуметтану бойынша жазылған бірқатар кітаптар коммунистік және социалистік қағидаларға негізделген. Пекинде өткен Олимпиада ойындарында ауыр атлетикадан алтын медальді жеңіп алған тегі грек Қазақстан азаматы Илья Илин мырзаға Грекияның Сыртқы істер министрінің орынбасары Афанасиос Кассимис мырзаның жолдаған құттықтауын салтанатты түрде табыс ету рәсімі өткізіліп отырған іс-шараның маңызын тереңдете түсті».