ҚР Ұлттық кітапханасының Мәдени бағдарламалар орталығында  көрнекті сазгер, мемлекеттік әнұран авторларының бірі, ҚР халық әртісі Шәмші Қалдаяқовтың туған күніне орай «Шәмші Қалдаяқовтың қазақ мәдениеті мен өнеріндегі орны» тақырыбында дөңгелек үстел мен «Мәңгілік өлмейтұғын ән қалдырған» атты кітап көрмесі өтті. Бұл шара Шәмші Қалдаяқов атындағы халықаралық ән фестивалінің дирекциясымен бірлесіп ұйымдастырылды. 

Кітап көрмеге сазгер  шығармашылығын арқау еткен әр жылдары жарық көрген мақалалар, сұхбаттар, естеліктер, газет-журналдар мен кітаптар қойылды.

Дөңгелек үстелге ҚР Ұлттық кітапханасының Бас директоры О.И.Исахов, ҚР ҰҒА академигі Ө.Айтбаев, сазгер М.Маңғытаев, ҚР халық әртісі, әнші Н.Нүсіпжанов, ҚР халық әртісі С.Тыныштығұлова, жазушы З.Асабаев, «Алматы Ақшамы» Бас редакторы журналист Қ.Сәрсенбай, сатирик К.Әмірбек, режиссер Т.Ахметов, ҚР еңбек сіңірген қайраткері, әнші Ж.Ысқақова, сонымен қатар БАҚ өкілдері, облыстық кітапханалардың қызметкерлері, әнші  шығармаларын сүйіп тыңдайтын қала жұртшылығы қатысты. Шәмші Қалдаяқов атындағы халықаралық ән фестивалінің дирекциясы кітапханалар қорына және шараға қатысушыларға  «Шәмші» журналын сыйға тартты.