Қазақстан Республикасының Ұлттық кітапханасы Мәдени бағдарламалар орталығында Конституция күніне орай «Конституция – Қазақстан өркені мен өрлеуінің негізі» атты кітап көрмесі ұйымдастырылды.
Көрме «Мәдени мұра» бағдарламасы бойынша шығарылған кітаптармен (Қазақтың ата заңдары. Алматы, 2006; Әз Тәукенің «Жеті жарғы» заңдар жинағы; Сұлтан Сартаев: Қазақстан Республикасы Конституциясының қалыптасуы. Алматы, 2005; Сәкен Созақбаев: Тәуке Хан. Жеті жарғы. Алматы, 1995) ашылды.
Көрмеде Қазақстан Конституциясының негізгі бағыттары жүйелі түрде көрсетілген. Мемлекетіміздің үш билігі – Президент, Парламент, Үкімет және Конституциялық кеңес жайлы да бөлім бар. Сонымен қатар көрмеде адам және адамзат құқықтары, ішкі саясаттың негізгі бағыттары, Қазақстанның ішкі саяси тұрақтылығы, ұлтаралық татулық жайлы кітаптар қойылған. |