28 қазанда гуманитарлық салада іскерлік қатынастар орнату мақсатында Қытайдың халықаралық радиосының делегатциясы ҚР Ұлттық кітапханасында болды.
Келіссөздерге қатысқандар:
Қазақстан тарапынан - ҚРҰК Бас директоры О.И.Исахов, Бас директордың бірінші орынбасары Г.Қ.Балабекова, Құжаттық мұраны зерттеу бөлімі мен Қытай мәдениеті орталығының жетекшісі Н.А.Мұқанова,
Қытай тарапынан – Қытай халықаралық радиосы (ҚХР) Бас директорының орынбасары Инь Ли, ҚХР халықаралық ынтымақтастық істері жөніндегі департамент бастығының орынбасары Ян Биньюань, ТМД және Шығыс Еуропа елдеріне ҚХР радиохабарларын тарату директорының орынбасары Ню Даобинь, ҚХР орыс тілінде хабар тарату қызметінің бастығы Сунь Юйфэн, ҚХР орыс тілінде хабар тарату қызметінің Ақпараттық сектор бастығы және делегацияның аудармашысы Шэн Цзинцзин, сондай ақ ҚХР-ның Алматыдағы Бас консульдығының мәдениет жөніндегі атташесі Цуй Инлань қатысты.
Келіссөздер барысында тараптардың мынадай бағыттар бойынша ынтымақтасу ұсыныстары талқыланды:
- CRI Online-да мәдениет мәселелері бойынша қазақ тіліндегі Интернет-портал құрастыру;
- басшылық құрамының ресми сапарлары;
- ҚР Ұлттық кітапханасында оқырмандар мен кітапхана қызметкерлеріне қытай тілін үйрететін Конфуций сыныптарын ұйымдастыру;
- Екі елдің атаулы күндеріне қатысты мәдени іс-шараларды бірлесіп өткізу;
- ҚХР баспаханасының және аудио-бейне баспасының жаңадан шыққан баспа және электрондық өнімдерін ҚР Ұлттық кітапханасына тұрақты түрде ұсынып отыру. | 
