2009 жылдың 12 қарашасында ҚР Ұлттық кітапханасында Т.Қ. Жүргенов атындағы Қазақ Ұлттық Өнер Академиясының профессоры, педагогика ғылымдарының кандидаты, музыка зерттеушісі Пернебек Момынұлының тұңғыш рет жарыққа шыққан 3 томдық “Музыкалы – эстетикалық тәрбие” (І том, 2000 ж.), “Қазақ музыкасының қысқаша тарихы” (ІІ том, 2003 ж.), “Қазақ музыкасының қысқаша тарихы” (ІІІ том, 2007 ж.) атты оқулық-монографияларының тұсаукесер рәсімі өтті.

Профессор Пернебек Момынұлы “Қазақ операсының даму жолдары”, “Музыканы тыңдай және түсіне білу”, “Оқушылар мен жастарға эстетикалық тәрбие беру”, “Музыка әлеміне саяхат,” т.б. еңбектердің авторы. Елімізге белгілі көптеген музыка және өнертану мамандарын тәрбиелеп шығарған ұлағатты педагог-ғалым.

Шара барысында ҚР Ұлттық кітапханасы қорынан «Ұлттық өнердің рухани демеушісі» атты кітап көрмесі ұйымдастырылды.

П.Момынұлының “Қазақ музыкасының қысқаша тарихы” атты үш томдық еңбегінің жасөспірімдерге білім беруде, олардың рухани жан дүниесін тәрбиелеуде маңызы зор.

Тұсаукесерге  көрнекті мәдениет және өнер қайраткерлері, кітапхана оқырмандары мен қала жұртшылығы қатысты.