11-12 қарашада ҚР Ұлттық кітапхасының қызметкерлері К.Т. Қасымжанова, К.К. Қоштаева, Ә.Д. Нығметова Көкшетау қаласында өткен «Кітапхана процестерін стандарттау – сапа менеджменті жүйесін енгізудің негізі» атты Ақмола облысы кітапханаларының семинарына қатысты. 
    Бірінші күні семинардың бағдарламасына сәйкес СИБИД жүйесінің стандарттарына шолу өткізілді, ГОСТ 7.20-2000 «Кітапханалық статистика» стандарты талқыланды. Библиографтар мен әдебиеттерді өңдеушілер үшін ГОСТ 7.1-2003 «Библиографиялық жазба. Библиографиялық сипаттау. Жалпы талаптар және жасау ережелері» стандарты бойынша іс-тәжірибелік сабақтар өткізілді. 
    Семинардың екінші күнінде «Кітапхана қызметіндегі сапа менеджменті жүйесі» тақырыбы бойынша баяндама жасалды және іс-тәжірибелік сабақ жүргізілді, онда облыс кітапханашыларына Орталық аудандық кітапханалар жұмысының сапасын бағалауға мүмкіндік беретін  ИСО 11 620:1998 «Ақпарат және құжаттама. Кітапхана жұмысының тиімділік көрсеткіштері» халықаралық кітапханалық стандартына сәйкес бірнеше көрсеткіштерді есептеп шығаруға ұсыныс жасалды. Кітапхана қызметкерлері аталған стандарт бойынша жұмыс істеуді  үйренді.  Сонымен қатар дөңгелек үстелде кітапхана жұмысының өзге де өзекті мәселелері талқыланды. ҚР Ұлттық кітапханасының қызметкерлері Ақмола облысы кітапханашыларының тарапынан қойылған сұрақтарға жауап беріп, ақыл- кеңестерін айтты.
    Бұл семинар облыс кітапханаларының болашақта кітапхана ісіндегі мемлекетаралық стандарттарды пайдалана отырып, пайдаланушыларға бәсекеге қабілетті қызмет көрсетуіне мүмкіндік туғызбақ.