Қазақстан Республикасы Ұлттық кітапханасында қазақтың тұңғыш кәсіби кинооператоры Ескендір Мұхамеджанұлы Тынышпаевтың отбасының мұрағатында сақталған мұрағат құжаттарын, көп жылдық баспасөз материалдарын, марапаттар мен фотокиноматериалдарды кітапханаға сыйға тарту шарасы өтті. 

Іс-шара шеңберінде ҚР Ұлттық кітапханасы қорынан және Е.Тынышпаевтың отбасы мұрағатынан ҚР-ның Халық әртісі, Кинематографтар одағының мүшесі, қазақтың тұңғыш кәсіби кинооператоры Е.М.Тынышпаевтың 100 жылдық мерейтойына арналған көркем безендірілген кітап көрмесі ұсынылды.

Сонымен қатар Қазақ КСР-іне еңбегі сіңген өнер қайраткері Ескендір Мұхамеджанұлы Тынышпаевтың туғанына 100 жыл толуына арнап «Қазпошта» АҚ тарапынан «Мерейтойлық атаулы күндер» сериясымен шығарылған естелік пошта маркасының тұсаукесері өтті.