Қазақстан Республикасының Ұлттық кітапханасы 2010 жылдың 23 қаңтарында Абай атындағы Қазақ Мемлекеттік академиялық опера және балет театрында Қазақстанның халық жазушысы, ҚР Мемлекеттік сыйлығының лауреаты Фариза Оңғарсынованың 70 жылдық мерейтойына арналған «Өлең, мен сені аялап өтем...» атты көшпелі кітап көрмесін ұйымдастырды.
Көрмеге ҚР Ұлттық кітапханасы қорынан 100-ден астам кітаптар мен журналдар қойылды.
Көрме «Ақын туған жер төсінде», «Фариза – поэзия әлемінің жарық жұлдызы», «Ақынның аудармалары», «Ф.Оңғарсынова және балалар» «Ұлттың маңдайына біткен ұлы ақын» деп аталатын бірнеше тақырыптық бөлімдерден тұрды.
|