2017 жылғы 6 желтоқсанда Н.Дәулетова атындағы залда белгілі қазақстандық тілші Бағдат Мұхтарұлының «Арғымақ» атты кітабының тұсаукесер рәсімі өтті. Кітапта әлемдік бәйгелерде жүлделі орындар алған қазақстандық сәйгүліктер мен олардың иелері және шабандоздары, сонымен қатар жылқы мәдениеті туралы нақты айтылған.
2017 жылғы 5 желтоқсанда Е.Тұрсынов кинозалында белгілі қазақстандық фотограф – Олег Беляловтың шығармашылық кеші және «Алтын Емел - Қазақстан табиғатының маржаны» документалдық филмінің көрсетілімі өтті.
2017 жылғы 29 қарашада Н.Дәулетова атындағы залда Қазақстанның еңбек сіңірген қайраткері, зерттеуші, «Дәстүр» журналының бас редакторы, ақын Қасымхан Бегмановтың «Дәстүр: кеше, бүгін, ертең» атты этнографиялық төрт томдықтың тұсаукесері өтті. Кітап белгілі ғалым-этнограф Жағда Бабалықұлының туғанына 100 жыл толуына арналған.
2017 жылғы 28 қарашада Н.Дәулетова атындағы залда тәуелсіз Қазақстанның олимпиадалық қозғалыстың бастауында тұрған ҚР Ұлттық Олимпиадалық комитетінің тұңғыш президентінің Еске алу кеші өтті.
Бүгін, 2017 ж. 27 қарашада қазақтың аса көрнекті ақыны, Қазақстанның Халық жазушысы, Абай атындағы Мемлекеттік сыйлықтың иегері Мұзафар Әлімбаев 95 жасқа қараған шағында өмірден озды.
2017 жылғы 24 қарашада Н.Дәулетова залында ҚР Білім және ғылым министрлігі, Ғылым комитеті, А.Байтұрсынұлы атындағы Тіл білімі институты, филология ғылымдарының докторы, профессор, ҚР Гуманитарлық ғылымдар академиясының академигі, Қазақстан Мемлекеттік сыйлығының лауреаты, Ш.Уәлиханов атындағы сыйлықтың лауреаты Жанұзақ Телғожаның 90 жылдық және ғылыми-ұстаздық қызметінің 65 жылдық мерейтойына арналған «Қазақ тілінің лексикология, лексикография, терминология, фольклортану мен көркем аударма мәселелері, қалыптасуы, дамуы мен болашағы» атты Халықаралық ғылыми-теориялық конференциясы өтті.
