2017 жылғы 29 маусым және 1 шілде ҚР Ұлттық кітапханасы техникалық ғылым докторы, профессор, ҚР ІІМ және ҰИА академигі, «АКА групп» президенті, ҚР мемлекет сыйлығының лауреаты, «Мұнайшы» қорының қамқоршылық кеңесінің төрағасы, Қазақстан Республикасының Бейбітшілік пен келісім кеңесі қорының президенті Кулибаев Асқар Алтынбекұлының 80 жылдығына орай көшпелі көрме өткізді.
2017 жылы 29 маусымда Н.Дәулетова залында белгілі мемлекет және қоғам қайраткері, «Парасат», «Құрмет», «Барыс» ордендерінің иегері, филология ғылымдарының докторы, профессор, жазушы, Қорқыт Ата мұралары бойынша ғылыми-зерттеу орталығының директоры Мырзатай Жолдасбековтің 80 жылдығына орай «Фолиант» баспасынан жарық көрген «Дүние шіркін...», «Кісілік кітабы», «Күндерімнің куәсі» және Болат Бодаубай Мырзатай Жолдасбековтың өмірбаяны туралы жазған «Таңғаламын өмірдің ғажабына» атты кітаптардың тұсаукесер рәсімі өтті.
2017 жылғы 26 маусымда Н.Дәулетова залында әл-Фараби атындағы ҚазҰУ, Экономика және бизнес факультетінің түлектерінің «Білікті ұстаз және Болашақ басқарушылар» атты естелік журналының тұсаукесері өтті.
Сирек кездесетін кітаптар мен қолжазбалар қызметінің оқу залында М.О.Әуезовтің «Еңлік-Кебек» пьесасының алғашқы қойылымына 100 жыл толуына орай» кітап көрмесі ұйымдастырылды.
2017 жылғы 23 маусымда ҚР Ұлттық кітапханасының «Кітапхана» арт-галереясында, 23 маусым 24 шілде аралығында өтетін «Қазақстанның заманауи суретшілері» атты картиналар көрмесінің ресми ашылуы өтті (ҚР Ұлттық кітапханасының 1 қабаты). Көрмеде еліміздің алты үздік суретшісі: Анара Абжанова, Зейнелхан Мұхамеджан, Сержан Баширов, Оразбек Есенбаев, Хашим Кұрбанов, Арман Баймұратов өз жұмыстарын ұсынған.
2017 жылдың 21 маусымында ҚР Ұлттық кітапханасының қоры Түрікменстан Президенті Бердымухамедов Гурбангулының қазақ тіліндегі кітаптарымен толықты. Кітаптың үш бөлімі ҚР Олимпиада комитетінің және ҰОҚ ҚР Президентінің кеңесшісі Бақытжан Ордабаевпен сыйға тартылды.
2017 жылғы 15 маусымда Алматы қ. Достық үйінде қазақтың белгілі жазушысы, публицист, педагог М.Жұмабаевтың 124 жылдығына орай «Ұлттық-тарихи контексттегі ақын тұлғасы» атты дөңгелек үстел аясында «Мағжан әлемі. Планета по имени Магжан» атты көшпелі кітап көрмесі ұйымдастырылды.
