2015 жылғы 2 қараша, сағ. 11.00-де Көрмелер залында Қазақстанның еңбек сіңірген қайраткері, Мемлекеттік сыйлықтың лауреаты, «Парасат» орденінің иегері, көрнекті прозашы, ҚР Ұлттық кітапханасының бас директоры Әлібек Асқаровқа «Социализм әңгімелері» мен «Әйел парасаты» топтамалары үшін Біріккен Ұлттар Ұйымы аясында құрылған Халықаралық Жазушылар одағының атынан «Ұлт мақтанышы» төсбелгісін табыстау рәсімі өтті.
2015 жылғы 28 қазан, сағ. 11.00-де Көрмелер залында тарих ғылымдарының докторы, профессор С.Е.Әжіғалидің «Маңқыстау мен Үстірт ескерткіштері» кітап-альбомының тұсаукесері өтті.
2015 жылы 27 қазанда Ғ.Мүсірепов атындағы Қазақ Мемлекеттік Академиялық балалар мен жасөспірімдер театрында аса көрнекті қоғам және мемлекет қайраткері, экономика ғылымдарының кандидаты Жұмабек Тәшеневтің 100 жылдығына арналған іс-шаралар аясында «Қайсар қазақ, қаһарман тұлға» тақырыбында ҚР Ұлттық кітапханасының қорынан көшпелі көркемделген кітап көрмесі ұйымдастырылды.
2015 жылғы 27 қазан, сағ. 11.00-де Көрмелер залында аса көрнекті қоғам және мемлекет қайраткері, экономика ғылымдарының кандидаты Жұмабек Ахметұлы Тәшеневтің 100 жылдығына арналған «Қайсар қазақ, қаһарман тұлға» атты көркемделген кітап көрмесінің ашылу салтанаты өтті.
«Қазақстан кітаптары» қызметінің оқу залында қазақтың ұлы ғалымы, ағартушы, саяхатшы, тарихшы, этнограф және географ Шоқан Уәлихановтың 180 жылдығына арналған «Қазақтың тұңғыш ғалымы» атты кітап көрмесі ұйымдастырылды.
2015 жылғы 26 қазан, сағ.11.00-де Көрмелер залында Мәдениет және спорт министрлігі Тілдерді дамыту және қоғамдық-саяси жұмыс комитетінің тапсырысымен Алматы қаласының ұлттық интеллигенция өкілдерінен құрылған «Парыз» пікірталас клубының кезекті отырысы өтті.
2015 жылғы 23 қазан, сағ. 14.30-да Үлкен залда «Біз де бала болғанбыз» атты мерейтойдың аясында «Ақ желкен», «Ұлан» қос басылымның жас тілшілері – Мейіржан Жылқыбай, Елдос Тоқтарбай, Думан Смақов және Алпамыс Файзолланың «Ақ желкеннің ұландары» кітабының тұсаукесері өтті.
