Көрмелер залында 31 - мамыр Саяси қуғын-сүргін және ашаршылық құрбандарын еске алу күніне орай «Тауқымет пен тағзым» атты кітап көрмесі ұйымдастырылды.
2015 жылғы 19 мамыр, сағ.14.00-де Көрмелер залында композитор, Қазақстанның еңбек сіңірген мәдениет қайраткері Сейдолла Бәйтерековтің 70 жылдығына арналған еске алу кеші өтті.
Әлем әдебиеті қызметінің оқу залында славян жазуының негізін қалаушы Мефодий Моравскидің туылғанына 1200 жыл толуына орай кітап көрмесі ұйымдастырылды.
2015 жылғы 15 мамыр, сағат 11.00-де «Қазақстан кітаптары» қызметінің оқу залында «Парасат» жастар клубы жұмысының аясында Ұлы Жеңістің 70 жылдық құрметіне Ұлы Отан соғысына қатысушы, Кеңес Одағының Батыры, жазушы Бауыржан Момышұлына арналған еске алу кеші өтті.
2015 жылғы 15 мамыр, сағат 11.00-де Көрмелер залында Алматы қ. Қазақстан халқы Ассамблеясының (ҚХА) Ғылыми-сарапшылар тобы (ҒСТ) мүшелері, төрағасының орынбасары, М.О.Әуезов атындағы Әдебиет және өнер институтының талдау бөлімінің меңгерушісі, ф.ғ.к. С.В.Ананьеваның, Философия, саясаттану және дінтану институтының этносаяси зерттеулер секторының меңгерушісі, ф.ғ.д., профессор Р.Қ.Қадыржановтың, Әл-Фараби атындағы ҚазҰУ Қиыр Шығыс және Оңтүстік Азия кафедрасының меңгерушісі, т.ғ.к. Н.Б.Емнің этносаралық мәселелер бойынша еңбектерінің таныстырылымы өтті.
«Өнер» және «Қазақстан кітаптары» бөлімдерінің оқу залдарында қазақтың суырыпсалма ақыны Сүйінбай Аронұлының (1815-1898) 200 жылдығына арналған «Айтыс өнерінің асыл діңгегі» атты кітап көрмесі ұйымдастырылды.
2015 жылғы 14 мамыр, сағат 11.00-де Көрмелер залында белгілі ғалым, қоғам қайраткері, академик, ҚР Мемлекеттік сыйлығының иегері Оразалы Сәбденнің «Абай және қазақ болашағы» атты кітабының тұсаукесер рәсімі өтті.
