«117 баспа, электрондық және аудио басылымдары»
Славян мәдениеті айлығының ашылу рәсімі аясында Қазақстан Республикасындағы Ресей Федерациясының Бас консулдығы және ТМД-ның шет елдердегі отандастар және халықаралық гуманитарлық ынтымақтастық ісі жөніндегі федералды агенттігі тарапынан ҚР Ұлттық кітапханасындағы Ресей мәдениеті орталығына 117 басылымды тарту етті. Олар:
1. «Русский язык» федералдық мақсатты бағдарламасы бойынша электронды кітаптар, соның ішінде 1С «Школа», «Познавательная коллекция» сияқты балаларға арналған орыс жазушылары мен ақындарының шығармашылығы туралы аудиокітаптар, электронды энциклопедиялар мен сөздіктер.
2. «Достоевский», «Брестская крепость», «Овсянки», «Собака Павлова», «Старший сын», «Двенадцать стульев» сынды көркем фильмдер, мультфильмдер жинақтары, Ресей Федерациясының мұражайлары бойынша экскурсиялық фильмдер.
3. Мәдениеттану, тіл білімі және әдебиеттану бойынша кітаптар.
1978 жылы кеңес, неміс пен ағылшын-американдық кинохроникалары негізінде жасалған Роман Карменнің «Белгісіз соғыс» фильмінің толық нұсқасын қамтыған «Белгісіз соғыс... Шығыс майданы» атты бірегей электронды басылым. (Берт Ланкастердің комментарийімен бірге 52 минуттық 20 серияны құрайды). |