Құжаттарды электронды жеткізу қызметін пайдалану ақылы болып табылады, тапсырыс құны ҚР Ұлттық кітапханасының ақылы қызметтер тізіміне сәйкес анықталады. Тапсырысты модуль, электронды пошта, факс арқылы немесе кітапхананың өзінде рәсімдеуге болады.

Сізге тапсырыс берудің екі үлгісі ұсынылып отыр:

• ақпаратты тақырып бойынша іздестіру және әдебиеттердің библиографиялық тізімін ұсыну;
• мерзімді басылымдардағы, жинақтардағы мақалалардың, кітап үзінділерінің (15% аспайтын), авторефераттардың электрондық көшірмелерін дайындау.

Қызмет көрсету төлемі

Тапсырыс қабылданып, өңделгеннен кейін оның орындалу мүмкіндігі, мерзімі және бағасы жайында Сізге хабарланады. Осыдан кейін төлемақы тапсырыс беруші тарапынан рәсімделеді. Алматы тұрғындары төлемді қолма-қол жүргізеді. Басқа қалалықтар төлемақыны ҚР Ұлттық кітапханасының есеп шотына аударады. Банктегі төлем құжаттарында: «Құжаттарды электронды жеткізу» деп төлемнің тағайындалуын көрсету қажет.