Мұнай және газ ақпарат ресурстары залы
Мұнай және газ ақпарат ресурстары залы 2003 жылдың қараша айында «Шеврон» компаниясының демеушілік қолдауымен ашылды, ол мұнай-газ саласының мамандарына және осы тақырыпқа қызығушылық танытқан оқырмандарға қызмет көрсетуге арналған. Залдың қоры мұнай және газ жөніндегі жаңа басылымдарды: кітаптар мен мерзімді басылымдарды ұсынады.
Зал пайдаланушыларға мұнай және газ өнеркәсібі бойынша Интернет ресурстарына және EBSCO-ның ағылшын тіліндегі толықмәтінді деректер қорына еркін кіруді қамтамасыз етеді.
Мұнай-газ тақырыбы бойынша республикалық, облыстық, қалалық, аудандық газет және журналдардан алынған құжаттардың 17,5 мыңға таяу библиографиялық жазбаларын қамтитын жеке деректер қоры жасалынған.
Зал ұсынады:
- баспа басылымдарына, CD, DVD, VHS, қолжетімді Интернет сервистеріне еркін кіру; - стандартты бағдарламаларды өз бетімен пайдалануға арналған компьютерлер; - баспа және басқа да құжаттарды сканерлеу; - ақпаратты CD-RW, USB, Flash Drive-терге жазу; - Құжаттарды электронды тасымалдау қызметтері. Залда «Шеврон» компаниясының бастамасымен және қолдауымен сатып алынған «Тұрақты даму» өзекті тақырыбы бойынша орыс және ағылшын тілдерінде кітаптар ұсынылған. |